Украинската армија постигна напредок околу источниот град Бахмут во изминатите 24 часа и покрај тешките напади на руските сили, изјави денеска портпаролот на украинската армија.
„За време на борбите, нашите единици продолжија да напредуваат на крилата и покрај фактот што моментално немаат предност во жива сила, муниција и опрема“, изјави за украинската телевизија Серхи Черевати, портпарол на командната група Исток на вооружените сили на Украина.
„Напредувавме од 150 на 1.700 метри, во зависност од делот на линијата на фронтот“, рече тој.