Припадници на полицијата и украинските безбедносни служби рано утрово извршија претрес во православен манастир стар илјада години во главниот град на Украина. Украинските власти објавија дека се сомневаат дека руска шпионска мрежа дејствува внатре во манастирот и врши „субверзивни активности“, пренесува Sky News.
Комплексот Киевско-Печерска Лавра каде што беше извршена рацијата се смета за украинско културно богатство и е седиште на крилото на Украинската православна црква поддржано од Русија. Службата за безбедност на Украина соопшти дека рацијата била извршена за да се спречи користењето на манастирот како „центар на рускиот свет“.
WATCH: #BNNUkraine Reports
The SBU (Ukraine's Security Service) inspects vehicles near the Kiev-Pechersk Lavra.
The Kyiv-Pechersk Lavra, also known as the Kyiv Monastery of the Caves, is a historic Eastern Orthodox Christian monastery named after a Kyiv city district. pic.twitter.com/jFqrMf9VBW
— Gurbaksh Singh Chahal (@gchahal) November 22, 2022
Оттаму додаваат дека постои основано сомнение дека областа се користела за криење на субверзивно-извидувачки групи и странски државјани и за складирање на оружје. Службите не навлегуваа во детали за резултатите од рацијата.
Во мај, Украинската православна црква се одвои од Московската патријаршија и прогласи целосна независност. Тие, исто така, го осудија поглаварот на Руската црква, патријархот Кирил, за неговата поддршка за инвазијата.