Масовен напад со беспилотни летала ја разбуди Москва. Експлозии одекнуваа низ рускиот главен град, а градоначалникот на Москва, Сергеј Собјанин, рече дека десетици беспилотни летала ја таргетирале руската метропола, објавува „Киев Индепендент“.
Снимките што кружат на социјалните мрежи покажуваат дека нападот ја погодил московската рафинерија за нафта по втор пат за три дена, запалувајќи ја. Собјанин рече дека руските единици за воздушна одбрана успеале да уништат 52 беспилотни летала на пат кон Москва.
„Неколку беспилотни летала успеале да стигнат до рафинеријата за нафта“, рече тој, додавајќи дека имало „мала штета“ на зграда во трговскиот центар „Садовод“ на југоистокот од градот. Немаше непосредни извештаи за жртви.
Привремени ограничувања за летови беа воведени и на московските аеродроми „Внуково“, „Шереметјево“ и „Жуковски“ за време на нападот.