Спасувачката операција на фабриката за челик Азовстал ќе биде завршена само кога сите бранители на Мариупол ќе бидат евакуирани на териториите под контрола на Украина, изјави за Би-Би-Си заменик-министерката за одбрана на Украина, Хана Малиар.
„Има уште многу луѓе во Азовстал и ги продолжуваме преговорите за да ги извлечеме од таму“, вели Малиар.
Таа вели дека тоа е чувствителна операција и дека секоја наредба може да биде опасна по животите на луѓето.
Повиците од политичарите во Москва да се спроведат некои од оние кои беа однесени од фабриката за челик на судење за воени злосторства „најверојатно се дадени поради домашната пропаганда во Русија“, рече Малиар.
„Преговорите се уште се во тек и многу се надеваме на позитивен резултат“ – вели Малиар.