Едно лице загина во рускиот ракетен напад врз Украина синоќа. Во нападот на Одеса загина чувар, кој чувал индустриски објект, a врз кој паднале фрагменти од урната руска ракета, соопшти денеска украинската армија.
„Соборениот проектил паднал врз индустриска зграда, која била оштетена. За жал, во уништувањето што настанало, загинал цивилен чувар, а уште двајца се ранети“, објави на Фејсбук Јужната команда на украинската армија.
Украинската армија објави дека проектилите делумно биле лансирани од руски бродови во Црното Море, а делумно од копнени фрлачи на окупираната територија.