Рускиот претседател Владимир Путин нареди прекин на огнот во Украина кој ќе трае ден и половина. Примирјето, соопшти денеска Кремљ, е наредено од Путин со цел да се одбележи Божик, кој православните христијани го слават во сабота, се наведува во соопштението за печатот.
На таа одлука реагираше Михајло Подољак, советник на украинскиот претседател Володимир Зеленски, кој го отфрли повикот на Путин за примирје. Кремљ претходно објави дека Путин му наредил на својот министер за одбрана Сергеј Шојгу да воведе 36-часовен прекин на огнот долж целата линија на фронтот во Украина, кој ќе трае од утре напладне по локално време до полноќ на 7 јануари.
„Прво: Украина не нападна странска територија и не убива цивили. Тоа го прави Руската Федерација. Украина само уништува припадници на окупаторската војска на својата територија“, објави Подољак на Твитер.
„И второ: Русија мора да ги напушти окупираните територии – само тогаш ќе имаме „привремено примирје“. Задржете си го лицемерието за себе“, рече Подољак.
First. Ukraine doesn't attack foreign territory & doesn't kill civilians. As RF does. Ukraine destroys only members of the occupation army on its territory…
Second. RF must leave the occupied territories – only then will it have a "temporary truce". Keep hypocrisy to yourself.— Михайло Подоляк (@Podolyak_M) January 5, 2023