Украина тврди дека руските војници го гаѓале селото Хаљчјнивка во регионот на Доњецк со касетна муниција при што се уништени пет куќи, а има и загинати и повредени цивили.
Касетната муниција е забранета со меѓународната конвенција, но ниту Русија ниту САД ја немаат потпишано.
Тоа е форма на експлозивно оружје кое се лансира од воздух или од земја и кое ослободува или исфрла помал проектил. Често се работи за касетна бомба која исфрла експлозивни направи дизајнирани да убиваат војници и да уништуваат возила.
Извор: МИА