Украина добила 1,1 милијарда долари од Меѓународниот монетарен фонд (ММФ), што се пари кои ќе бидат насочени кон клучните буџетски трошоци, објави украинскиот премиер Денис Шмихал.
Ова е шеста исплата на пари за Украина во рамките на програмата за продолжени кредити на ММФ, со што вкупната помош од ММФ за Украина достигна 9,8 милијарди долари.
Надворешното финансирање, како што е 15,6 милијарди долари што ММФ и ги додели на Украина во период од четири години, е од клучно значење за Киев бидејќи буџетот на земјата е под зголемен притисок поради војната со Русија, пишува Киев Индипендент.
Му благодариме на Меѓународниот монетарен фонд за постојаната поддршка на нашата земја за време на војната“, напиша Шмихал на Телеграм.
Минатата година Украина доби 42,5 милијарди долари странска помош, а Министерството за финансии проценува дека во 2025 година ќе бидат потребни најмалку дополнителни 12 милијарди долари.