Украинскиот министер за надворешни работи Андриј Сибиха ги повика колегите од земјите-членки на НАТО да упатат покана до Украина да и се приклучи на западната воена алијанса за време на состанокот во Брисел следната недела, се наведува во текстот на писмото што го видел Ројтерс.
Писмото е уште еден притисок од Киев да обезбеди покана за членство во НАТО, дел од Планот за победа за ставање крај на војната започната со руската инвазија на Украина во 2022 година, наведена од претседателот Володимир Зеленски минатиот месец.
Украина вели дека прифаќа дека не може да влезе во НАТО додека не заврши војната, но повикот сега ќе му покаже на рускиот претседател Владимир Путин дека една од неговите главни цели, спречување на Киев да стане членка на НАТО, е неостварлива.
НАТО најави дека Украина ќе се приклучи на алијансата и е на „неповратен“ пат кон членство. Но, алијансата не издаде официјална покана, ниту постави временска рамка.
Дипломатите на НАТО велат дека во оваа фаза нема консензус меѓу членките на алијансата во врска со поканата за Украина. За таква одлука ќе биде потребна согласност од сите 32 земји-членки на НАТО.