Киев денеска соопшти дека ќе се обиде да обезбеди електрична енергија од Русија, бидејќи и снема јаглен кој во наголема мера се произведува во источна Украина каде се одвиваат конфиктите.
-Официјална Москва бара претходно ветување дека Киев еден дел од електричната енергија ќе ја преусмери на Крим. Тоа е нивниот услов, изјави украинскиот министер за енергетика, Владимир Демчишин и додаде дека Украина засега не увезува струја од Русија, пренесе агенцијата Франс Прес.
Украина околу 40 насто од електричната енергија добива од електраните на јаглен и секогаш имаше суфицит.
Меѓутоа осуммесечниот судир со проруските сили во Донецк и Луганск, регионите кои прозиведуваат големи количества јаглен, предизвика затворање на многу рудници.