Во израелски воздушен напад денеска се убиени шест припадници на Хамас, соопшти военото крило на организацијата, што претставува најголемиот поединечен напад врз исламистичката група од осумдневната војна во 2012 година.
Израелската армија претходно соопшти дека се убиени двајца Палестинци, а еден е повредени во напад на израелски беспилотни летала во појасот Газа.
Жртвите се дел од вооружена група што била цел на напад на израелски безпилотни летала источно од бегалскиот камп Буреаиџ, во близина на границата.
Од неделата, екстремисти од Газа испукаа најмалку 25 ракети и гранати преку границата на израелска територија.