Двајца полицајци биле застрелани во саботата наутро додека седеле во нивното службено возило во Бруклин. Полицјаците биле убиени од страна на Исмаил Бринсли (28) кој допатувал од Балтимор заколнувајќи се дека ќе убие двајца полицајци. Од њујоршката полиција велат дека убиецот откако пукал во полицајците се самоубил со истиот пиштол.
Полицијата има сомнение дека пред да допатува во Бруклин, убиецот во Балтимор ја застрелал својата поранешна девојка во стомакот, но таа преживеала. На социјалните мрежи тој напишал дека планира да убие полицајци како одмазда поради убиството на двајцата невооружани афроамериканци од страна на полицијата.
Американскиот претседател Барак Обама го осуди вчерашното убиството и порача дека претставниците на полицијата заслужуваат почит и благодарност за нивната секојдневна работа.
Мета