Убиени се поранешниот градоначалник на Самара, руски град недалеку од Казахстан – Виктор Тархов и неговата сопруга, а за убиството е осомничена нивната внука, соопштија денеска органите на редот во Русија.
„Поранешниот градоначалник на Самара, Виктор Тархов и неговата сопруга беа застрелани и убиени. Осомничениот, нивната внука, е приведена“, се вели во соопштението, пренесува РИА Новости.
Осомничената била уапсена и одбила да сведочи. Против неа е поведена кривична постапка за убиство.
Ex-mayor of Samara Viktor Tarkhov was shot dead along with his wife. Previously, their granddaughter did it. Now the Investigative Committee employees are working with her. Tarkhov was the head of Samara from 2006 to 2010. pic.twitter.com/tvpf0KQNWR
— Портал Blog-Club.org (@blogclub_org) February 5, 2025
Тархов беше градоначалник од 2006 до 2010 година.
Пред тоа, од 2002 до 2006 година, бил пратеник во Самарската покраинска дума за изборната единица Чапајев бр. 20.
Во 2000 година се кандидираше и за гувернер на областа Самара, освојувајќи 29,7 отсто од гласовите.
Ќерката на Тархов – Људмила, беше прогласена за виновна во декември 2022 година за изнуда на 200 милиони рубли од пратеникот на Регионалната Дума во Самара, Александар Милеев.
Судот ја осуди на 7 години затвор.