Израелските вооружени сили (ИДФ) соопштија дека во напад со беспилотно летало е убиен еден од командантите на движењето Хезболах во јужен Либан, објавија денеска израелските медиуми.
Во нападот извршен врз селото Дердгаја, убиен е командантот на баталјонот „Радван“, Ахмед Аднан Баџија.
Израелската војска додаде дека во последните месеци учествувал во водењето на бројни напади врз Израел и ИДФ и дека за време на прекинот на огнот продолжил со своите активности во извршувањето на терористички напади на израелскиот фронт.