Австралиската полиција уапси 21 лице во рамките на истрагата за мрежата која што се занимава со продукција и емитување на педофилски содржини.
Во текот на истрагата на фотографиите и видео-снимките на малолетниците идентификувано е едно дете од 10 години. Помеѓу уапсените се лица од 22 до 76 години од сите делови на Австралија.
Притворените се обвинети за поседување, употребување и емитување на педофилски порнографски материјал.
-Акцијата наречена „Освојувач“ која започна во јануари, се откриени 26 хард-дискови во стан на еден од осомничените, при претресите на 40 различни адреси – изјави Глен Мекивен од австралиската федерална полиција.
Тој додаде дека станува збор за една од најголемите акции од овој вид во Австралија.
Елена Георгиевска