Холандски државјанин, кој им бил познат на властите во земјата како лице за кое се претпоставува дека е „радикализиран“, е уапсен синоќа откако бил забележан како го снима просторот пред „Филипс стадионот“ во Ајндховен, еден од најголемите во Холандија, додека на него се одржувал концерт.
Дваесет и девет годишниот маж бил успасен додека на стадионот настапувал популарниот холандски поп пејач Гус Мејувис.
– Полицајците забележале маж кој доцна синоќа сомнително се однесувал на еден од влезовите на стадионот. Тој снимал и немал објаснување зошто го прави тоа, а исто така немал ниту карта за концертот, соопшти холандската полиција.
Апсењето се случи само неколку недели откако бомбаш-самоубиец уби 22 лица на крајот од концертот на американската пејачка Аријана Гранде во Манчестер.