Американецот Ерик Џастин Тот, поранешен учител, кој е осомничен за злоставување и порнографско снимање деца, уапсен е во Никарагва, соопшти Федералното истражно биро (ФБИ).
Тот беше меѓу десетте најбарани криминалци на пописот на ФБИ.
Тој беше учител во едно основно училиште во Вашингтон, а разоткриен е во 2008 година, кога е пронајден училишен апарат кој тој го користел, а на кој биле порнографски фотографии на деца.
Тот потоа исчезнал, а ФБИ веднаш тргна во потрага. На листата најбарани бегалци го замени убиениот лидер на Ал каеда Осама бин Ладен, а за информацијата за него ФБИ нудеше 100.000 долари.