Полицијата уапси маж од Флорида кој беше обвинет дека преку социјалните мрежи им се заканувал на поранешниот американски претседател Доналд Трамп и на неговиот потпретседателски кандидат, сенаторот од Охајо Џеј Ди Венс, објавија денеска американските медиуми.
Според полицијата, Мајкл В. Вајсман бил уапсен и обвинет за закани за убиство, пренесува CBS News.
Тој не дал отпор при апсењето и подоцна бил одведен во затворот во Палм Бич, изјави полицискиот службеник Дон Хенеси.