Три организации од Велика Британија поднесоа пред Европскиот суд за човекови права приватна тужба против британската агенција, што вршела прислушкување, обвинувајќи ја за кршење на правото на приватност на милиони граѓани со користење на онлајн програма за следење.
Организациите „ПЕН“, „Биг брадер воч“ и „Опен рајтс груп“ тврдат дека Центарот на британската влада за комуникации, делувал нелегално, бидејќи собирал големо количество податоци, вклучително и содржини од електронска пошта и пораки на друштвените мрежи.
Тужбата е поднесена откако поранешниот соработник на американските разузнавачки служби Едвард Сноуден објави доверливи информации за американско следење на интернет комуникациите.