Претседателот на Европскиот совет Доналд Туск денеска предупреди да не се дозволи поделба меѓу Истокот и Западот во Европската унија, по прашањето за распоредување на бегалците.
Изјавата, Туск ја направи непосредно пред средбата со унгарскиот премиер Виктор Орбан, чија земја стана транзитен центар за мигрантите.
– Извинете за поедноставувањето, но има нешто како поделба меѓу Исток и Запад во ЕУ, изјави Туск пред претставниците на земјите од ЕУ.
Некои држави мислат само како да го задржат миграцискиот бран, за што стана симбол затворањето на Унгарија, додека други сакаат повеќе солидарност, залагајќи се за задолжителни квоти за распределба на бегалци меѓу 28-те земји членки на ЕУ, изјави претседателот на Европскиот совет.
– Клучен предизвик е да се најдат општи, но амбициозни стандарди, изјави Туск, додавајќи дека зборовите повеќе не се доволни и дека се потребни дела, пренесува ДПА.
ЕУ очекува над половина милион илегални мигранти да влезат на внатрешните граници на ЕУ годинава, истакна Туск.
Главната железеничка станица во Будимпешта утринава повторни ги отвори вратите, но патувањата за Западна Европа остануваат блокирани.