Турските сили за безбедност убиле 13 терористи од Курдската работничка партија (ПКК) во операција против сепаратистите во округот Османие, во јужна Турција, соопштија од канцеларијата на валијата на округот, а пренесува турската телевизија Си Ен Ен-Турк.
Во соопштението на канцеларијата на валијата се наведува дека во заедничката акција на турската жандармерија и полиција, на 3 декември, исто така, биле приведени петмина терористи.
Сепаратистите од ПКК од 1984 година се борат за автономија во југоисточниот дел на Турција, населен главно со Курди. Десетици илјади лица од тогаш се загинати во судирите со армијата.