Турскиот премиер, Ахмет Давутоглу изјави дека нивните разузнавачи успеале да ги ослободат 49-те заложници кои во јуни беа грабнати од припадници на Исламска држава, во северноирачкиот град Мосул.
Меѓу заложниците имало турски дипломати, војници и деца и тие сега се наоѓаат во градот Санлиурф во јужна Турција.
-Денес во пет часот утрово ги вративме своите граѓани во државава. Од се срце им благодарам на семејствата кои останаа достоинствени- рече Давутоглу и се заблагодари на турската разузнавачка служба МИТ, но не изнесе детали од ослободувањето.
Е. Г.