Турција и Русија заедно ќе го надгледуваат примирјето во Нагорно Карабах

Од:

Турција и Русија ги завршија техничките преговори и потпишаа Меморандум за основање на Заеднички центар за надзор на спроведувањето на примирјето во Карабах, јави агенцијата Анадолија.

– Разговорите за техничките детали во врска со формирањето и одговорностите на Турско-рускиот заеднички центар се завршени и потпишан е договор, соопшти турското Министерство за национална одбрана.

Министерството преку Твитер објави дека во тек се активности за што побрзо ставање во функција на центарот и потсетува дека на 11 ноември, преку видеоконференција, е потпишан Меморандум за разбирање од страна на министрите за одбрана на Турција и Русија, Хулуси Акар и Сергеј Шојгу.

– Преку заедничкиот центар во Нагорно Карабах, турските и руските воени делегации планираат да го следат и контролираат спроведувањето на примирјето меѓу Азербејџан и Ерменија, додава Министерството.

Во судирите во Нагорно-Карабах што почнаа на 27 септември помеѓу ерменските и азербејџанските сили загинаа најмалку илјада луѓе. Досега беа потпишани четири договори за прекин на огнот, од кои најновиот беше постигнат на 10 ноември. Ерменскиот премиер Никол Пашињан заедно со претседателите на Русија и Азербејџан, Владимир Путин и Илхам Алијев усвоија трилатерална изјава за прекин на огнот во Нагорно Карабах и предавање на регионите Калбаџар, Лачин и Агдам на Баку.

Би можело да ве интересира

Падни пред нозете на Американците и капитулирај

САД подготвуваат резолуција за Украина: ЕУ ја смета за контроверзна, Русите ја сметаат за одлична

Украина: Русија сака да прогласи победа на 24 февруари

Лукашенко: Не исклучувам обид на САД да предизвикаат политички конфликт меѓу Русија и Кина

Ројтерс: Русија би можела да и предаде на Украина замрзнати средства во вредност од 300 милијарди долари

Лавров: Помошта за Украина се обезбедува врз основа на кражба на руски имот и на штета на развојот