Канадскиот премиер Џастин Трудо денеска ја бранеше употребата на итни овластувања за ставање крај на повеќенеделните протести на возачите на камиони против рестриктивните мерки.
Тој потенцираше дека иако блокадите се укинати, опасните закани во земјата остануваат.
– Оваа вонредна состојба не е завршена, рече Трудо во своето прво појавување пред новинарите откако властите ги прекинаа протестите за време на викендот, кои премиерот ги нарече „опасни и незаконски“ и кои го запреа сообраќајот во Отава и ги блокираа граничните премини со САД. .
– Сè уште постои вистинска загриженост за наредните денови, додаде тој.
Извор: МИА