Канадскиот премиер Џастин Трудо телефонски разговараше со Џо Бајден, околу теми поврзани со актуелни прашање како коронавирусот, климатските промени и НАТО.
„Двајцата претходно соработувавме и подготвени сме да ја продолжиме работата и да се справиме со предизвиците со кои се соочуваат двете земји“, напиша Трудо на „Твитер“.
I just spoke with @JoeBiden, and congratulated him again on his election. We’ve worked with each other before, and we’re ready to pick up on that work and tackle the challenges and opportunities facing our two countries – including climate change and COVID-19. pic.twitter.com/wldIwLSz5H
— Justin Trudeau (@JustinTrudeau) November 9, 2020
Трудо беше еден од првите светски лидери што му ја честиташе победата на Бајден, веднаш откако американските медиуми објавија дека тој ги добил потребните 270 гласа, пренесува „Ројтерс“.
Бајден му се заблагодари на Трудо за честитките и рече дека со нетрпение очекува блиска соработка со Канада за да му помогне на светот во борбата против пандемијата, но и дека САД и Канада ќе ги зајакнат економските врски, односите во рамките на НАТО и заедно ќе се борат против климатските промени, соопшти тимот на Бајден.