Тропската бура Кристобал се формира покрај југоисточниот дел на Бахамските Острови и се движи на северозапад со брзина од околу 15 километри на час, соопшти Националниот центар за урагани на САД.
Брзината на ветерот достигнува 72 километри на час.
Кристобал почна како тропска депресија. Бурата би можела да предизвика поројни дождови во делови на Хаити и Доминиканската Република, кои може да доведат до поплави и лизгање на земјиштето, особено во планинските области.
Се очекува бурата да зајакне во следните 48 часа, насочувајќи се кон север подоцна денеска или утре.