Тропската бура Кристобал прерасна во ураган откако го напушти реонот на Бахамските острови, оставајќи зад себе поплавени региони на Карипските острови и најмалку три жртви, пренесоа американските медиуми.
Националниот центар за урагани во Мајами соопшти дека во моментов ураганит се наоѓа на околу 1.000 километри југозападно од Бермудите и има ветрови што достигнуваат 120 километри на час, а се движи на исток со брзина од четири километри на час.
Пред да прерасне во ураган, бурата предизвика поплави и откажување на воздушниот сообраќај на островите Таркс и Кајкос, каде беше пронајдено телото на едно удавено лице.
Приближно 3.600 лица беа евакуирани во Доминиканската република, а околу 640 семејства од Хаити привремено останаа без покрив над главата откако оттаму мина Кристобал.
На карипскиот остров Испањола двајца Доминиканци се удавиле, а од саботата двајца Хаитќани се водат за исчезнати.