Тропската бура Берта се приближува кон Бахамите и островите Таркс и Каикос, а поради поројните дождови и силниот ветар откажани се авионските летови и има прекин на електричната енергија во некои делови на Карибите.
Ветровите се со брзина од 75 километри на час, кои се очекува утре малку да се засилат.
Доцна синоќа Берта се наоѓаше на 110 километри југоисточно од Пуерто Плата во Доминиканската Република.
Претходно бурата премина југозападно од Порторико, предизвикувајќи прекин на струјата главно во планинските делови, каде паднаа над 1.200 молњи.