Исламистички милитанти убија тројца, а ранија петмина други полицајци, во вооружен напад, извршен доцна синоќа во Каиро, соопшти денеска египетското Министерство за внатрешни работи.
Напаѓачите, кои биле во две возила, отвориле оган врз безбедносен конвој, на главниот кружен пат, во реонот на каирскиот Наср Сити.
Засега никој не ја презде одговорноста за овој најнов напад на џихадистичките исламисти.
Во Каиро, сепак, се верува дека зад убиството и ранувањето на вкупно осум лица во синоќениот напад, се ноѓаат припадниците на египетските милитантни екстремисти, кои војуваат со безбедносните сили на Египет и извршуваат терористички напади против неистомислениците, по тргањето од власта на исламскиот претседател Мохамед Морси, во 2014 година и на неговото Муслиманско братство.
Минатиот месец, египетскиот претседател Абдул Фатах ал Сиси, прогласи вонредна состојба по двата напади извршени врз две коптски христијански цркви, пред Велигденските празници, во кои беа убиени 45 лица.
Локалната ќелија на џихадистите на Исламска држава (ИД), која оперира и на Синајскиот полуостров, ја презеде одговорноста за овие два напади.