Во трите експлозии кои се случија денеска во Египет, во близина на христијански храмови, загинаа најмалку 35 лица, а над 70 се повредени.
Првиот напад се случи во црквата Свети Ѓорѓи, во градот Танти, а нападната беше и полициската станица во истиот град. Во тој напад загинаа најмалку 30 лица, а околу 50 се повредени.
Најмалку шест лица загинаа, а 21 се повредени во експлозијата која ја изведе бомбаш-самоубиец, во близина на црквата Свети Марко во Александрија.
Недолго после експлозијата во близина на црква, во Александрија одекна уште една бомба, но засега нема информации за жртви во тој напад.
Денеска православните цркви во Египет се полни со верници поради празникот „Цветници“, па се претпоставува дека за нападот се одговорни исламистите.
Засега никој не ја презеде одговорноста за нападите.
Египетската телевизија „Ал Арабија“ потсетува дека Коптските христијани, инаку православци, претставуваат околу 10 отсто од 85-милионското население на Египет.