Литванија, Летонија и Полска подготвија план за решавање на кризата во Белорусија, изјави денеска литванскиот претседател Гитанас Науседа.
– Претседателите на нашите три држави подготвија план за решавање на ситуацијата во Белорусија. Тој содржи три точки, посочи Науседа.
Како прва точка ја посочи да прекине употребата на сила врз луѓето кои протестираат поради резултатите од претседателските избори. Втора точка е ослободување на приведените демонстранти, а трета е белоруските власти да почнат преговори со претставниците на невладините организации.
– Ако планот биде прифатен, нашите држави се подготвени да бидат посредници во организацијата на процесот за излез од кризата. Ако не биде прифатена иницијативата, на Белорусија може да и бидат воведени нови санкции.
Додека шефот на литванскиот дипломатија Линас Линкевисијус во интервју за руското радио „Ехо Москва“ изјави дека Минск треба да организира нови преседателски избори, бидејќи тие во неделата „не биле демократски и слободни“.