Американскиот претседател Доналд Трамп им изјави на новинарите во Белата куќа дека бавното темпо на руската окупација на Украина, и покрај масовното бомбардирање на украинските градови, штети на угледот на Русија. Трамп нагласи дека постапките на рускиот лидер Владимир Путин доведоа до големи човечки загуби и уништување, но не го доближија крајот на војната.
Трамп повторно изрази разочарување од потезите на Путин, велејќи дека Русија спроведува масовни напади врз украинските градови и цивилната инфраструктура, но територијалните добивки остануваат минимални.
„Многу сум незадоволен од она што го прави Русија и од она што го прави претседателот Путин. Воопшто не ми се допаѓа. Тој убива луѓе без причина. И тие го прават тоа многу лошо, со оглед на тоа што ставија сè на коцка. Нивната економија се урива“, рече Трамп
Трамп додаде дека војната што ја започна Кремљ се влече и влезе во својата четврта година, и покрај силното бомбардирање, Москва зазеде многу малку територија, а на некои места претрпе загуби.
„Тие бомбардираат сè и земаат многу малку, ако воопшто земаат ништо. Всушност, тие губат територија. Мислам дека тоа е многу лошо за угледот на Русија“, рече Трамп.
Тој нагласи дека „војната досега требаше да заврши“. Според него, ако беше војна на САД, тој ќе ја „завршеше за една недела“.
„Погледнете што зедоа сега. Минатиот месец зедоа многу малку. А вие известувавте за сите бомбардирања, сите беспилотни летала насекаде. Деветстотини беспилотни летала во една ноќ во одредени области како Киев. И со сите тие напори, тие зедоа многу малку. Затоа сум многу разочаран од претседателот Путин“.