Американскиот претседател Доналд Трамп очигледно го нападна својот претходник на функцијата претседател на САД, Џозеф Бајден, иако не го спомена по име, објави „Њујорк пост“.
„Тој е криминалец и треба да биде во затвор. Грда личност, одвнатре и однадвор! Му нанесов тежок пораз, сега обожавам да го гледам како се поти“, рече Трамп на мрежата Truth Social.
Во објавата, Трамп се осврна на извештај во кој се тврди дека истрагата „Арктички мраз“ против него од ерата на Џозеф Бајден започнала на несигурни основи, со линк до веб-страницата JustTheNews.
Истрагата „Арктички мраз“ започнала во пролетта 2022 година, во времето кога Трамп објави дека повторно влегува во претседателската трка, односно за време на мандатот на Бајден и неговата администрација.
Во написот во весникот се наведува дека во 2022 година, ФБИ започнало истрага со кодно име „Арктички мраз“ против Трамп и стотици негови соработници за нивните наводни активности поврзани со нападот врз Капитол на 6 јануари 2021 година и обидите за оспорување на резултатите од изборите во 2020 година.
Документот на ФБИ што служел како основа за истрагата, според поранешните обвинители и агенти, бил „слаб“ – недоволно поткрепен со докази и правна основа.
Се тврди дека надзорниот агент на ФБИ кој ја водеше истрагата бил отворено против Трамп, а дека специјалниот обвинител Џеј Смит подоцна го презел случајот.
Доказите врз кои ФБИ ја базирало истрагата вклучувале интервјуа на Си-Ен-Ен, кои се опишани како неточни и несигурни извори на информации.
Републиканците, како што се Џим Џордан и Чак Грасли, тврдат дека истрагата била политички мотивирана.
ФБИ и Министерството за правда наводно ги третирале обидите на сојузниците на Трамп да поднесат алтернативни изборни списоци како криминален заговор, иако слични ситуации во американската историја (1876 и 1960) никогаш не биле гонети.
Критичарите, вклучувајќи ги и поранешните агенти и обвинители, тврдат дека документот со кој се покренува истрагата не содржел конкретни докази за кривично дело, туку само сугестии и медиумски наводи.