Нападите во Ормутскиот теснец се најновиот развој на настаните во ескалацијата што се заканува да разгори целосна војна што беше запрена на почетокот на април кога двете страни (САД и Иран) се согласија на кревок прекин на огнот.
Трамп му рече на Треј Јингст од „Фокс њуз“ дека нападите наскоро ќе престанат, но дека тој ќе ги „бомбардира до смрт“ ако иранските лидери веднаш не потпишат договор со САД, напиша Јингст на X.
Министерот за одбрана на САД, Пит Хегсет, го прикажа потегот како обид да се принуди Иран да потпише договор за прекин на конфликтот, кажувајќи им на новинарите за време на посетата на Централната команда во Флорида дека нападите „ќе ги унапредат нашите воени интереси, а исто така ќе ја подобрат и нашата дипломатска позиција“.
„Ќе ги удриме силно и се надеваме дека Иран ќе донесе правилна одлука“, рече тој.
– Ако треба да преговараме со бомби, ќе преговараме со бомби, рече Хегсет.