Американскиот претседател Доналд Трамп денес избегна да одговори на новинарско прашање дали ја поддржува или се спротивставува на намерата на израелските власти да го анектираат целиот Појас Газа, објави Ројтерс.
Трамп, исто така, рече дека фокусот на неговата администрација е на зголемување на испораката на хуманитарна помош до палестинската енклава, објави Ројтерс.
„Што се однесува до останатото, не можам многу да кажам. Тоа најмногу ќе зависи од Израел“, рече Трамп.
Израелскиот премиер Бенјамин Нетанјаху наводно во приватни разговори рекол дека е подготвен да нареди целосна окупација на Појасот Газа, и покрај противењето во рамките на израелската војска.
