Претседателот на Соединетите Американски Држави, Доналд Трамп, денес имаше телефонски разговор со претседателот на Белорусија, Александар Лукашенко.
„Имав прекрасен разговор со високо почитуваниот претседател на Белорусија, Александар Лукашенко. Целта на повикот беше да му се заблагодарам за ослободувањето на 16 затвореници. Разговараме и за ослободување на дополнителни 1.300 затвореници. Нашиот разговор беше многу добар“, напиша Трамп преку мрежата Truth Social.
Како што додаде, разговарале за многу теми, вклучувајќи ја и посетата на рускиот претседател Владимир Путин на Алјаска.
„Се радувам на средбата со претседателот Лукашенко во иднина. Ви благодарам за вашето внимание кон ова прашање“, додаде Трамп.
Трамп ќе се сретне со Путин вечерва во Алјаска, а средбата е закажана да започне во 21:30 часот по средноевропско време.