Германија наскоро би можела да престане да постои како земја поради ескалацијата на енергетската криза, изјави поранешниот американски претседател Доналд Трамп.
Тој наведува дека еднаш ја предупредил Ангела Меркел дека зависноста на Берлин од руската енергија може да доведе до „предавање“.
За време на митингот на Републиканската партија во Охајо, Трамп ја критикуваше енергетската политика на Џозеф Бајден.
„Иако за време на мојот мандат САД станаа енергетски независни и беа на пат да станат „целосно доминантни“ во енергетиката, пред Саудиска Арабија и Русија, Бајден ја стави Америка во позиција да „моли за енергија“, рече Трамп.