Претседателот на Соединетите Американски Држави, Доналд Трамп, денес изјави дека Соединетите Американски Држави ќе ја таргетираат клучната инфраструктура во Иран ако Техеран не го прифати предложениот договор, додавајќи дека дава шанса и на мирот и на војната.
– Ако не се постигне договор, ќе ги таргетираме нивните мостови и електрани. Ако не го потпишат овој договор, целата земја ќе биде уништена, изјави Трамп за Фокс њуз, повторувајќи ја заканата дека може да ја „уништи цивилизацијата“ во Иран.
Трамп нагласи дека Соединетите Американски Држави продолжуваат да нудат „фер и разумен договор“, но дека не ја исклучува употребата на сила ако Иран ја отфрли понудата, додавајќи дека „време е да се стави крај на машината за убивање на Иран“.