Поголемиот син на американскиот претседател Доналд Трамп денеска на Твитер објави серија разменети мејлови меѓу него и музичкиот продуцент Роб Голдстоун, во кои станува збор за предлогот на влијателен руски обвинител на претседателската кампања на неговиот татко да и даде информации со кои ќе се нарушел имиџот на неговата соперничка од Демократската партија, Хилари Клинтон, соопштија британските медиуми.
На 3 јуни 2016 година Голдстоун на Трамп-помладиот му напишал дека генерарлниот обвинител на Русија му предложил на кампањата на Трамп да и предаде „некои официјални документи и информации, кои ќе и наштетат на Хилари и нејзините врски со Русија и ќе бидат многу корисни за неговиот татко“.
„Тоа е доверлива информација од многу високо ниво, но таа е дел од поддршката на Русија и нејзината влада за Трамп, посочува Голдстоун во својот мејл.
Американските мидиуми додаваат дека Трамп-помладиот на продуцентот, кој му ги ветил овие информации за Хилари Клинтон му кажал: „Доколку навистина е така тоа што ми го зборуваш, тоа многу ми се допаѓа“.
Во своето објаснување на Твитер Трамп-помладиот вели дека ги покажува овие мејлови со едногодишна важност за „целосно да сум транспарентен“.
Од компањата на Трамп во Њујорк ја потврдија автентичноста на мејловите.