Американскиот претседател Доналд Трамп денес го поздрави соопштението на Иран дека Ормускиот теснец ќе биде отворен за бродови за време на траењето на прекинот на огнот.
Трамп му се заблагодари на Иран на својата платформа Truth Social, наведувајќи дека стратешки важниот воден пат е „целосно отворен и подготвен за целосен премин“.
Во исто време, тој нагласи дека поморската блокада ќе остане на сила во однос на Иран, сè додека, како што изјави, не се постигне целосен договор меѓу двете страни.
„Ормускиот теснец е целосно отворен и подготвен за бизнис и целосен премин, но поморската блокада ќе остане на полна сила во однос на Иран сè додека нашиот договор не биде 100 проценти завршен. Овој процес треба да оди многу брзо бидејќи повеќето точки се веќе договорени“, нагласи Трамп.
