Американскиот претседател Доналд Трамп го потпиша Законот за овластување за национална одбрана (NDDA) во вредност од над 900 милијарди долари за фискалната 2026 година, објави Белата куќа.
„Овој документ ќе му овозможи на Министерството за војна да ја спроведе мојата програма „Мир преку сила“, да ја брани нацијата од домашни и странски закани и да ја зајакне одбранбената индустриска база, а воедно да го прекине финансирањето на расипнички и радикални програми“, рече Трамп во соопштението.
Според него, документот ги регулира активностите што веќе ги презеде американската администрација, а кои, меѓу другото, имаат за цел развој на системот за ракетна одбрана „Златна купола“.