Американскиот претседател Доналд Џ. Трамп објави дека е воспоставена рамка за иден договор за Гренланд и арктичкиот регион по состанокот со генералниот секретар на НАТО, Марк Руте. Според тоа, тој најави одложување на воведувањето на царините што требаше да стапат на сила на 1 февруари, напиша тој на социјалната мрежа Truth Social.
Трамп изјави дека за време на „многу продуктивен состанок“ со Руте, „е воспоставена рамка за иден договор во врска со Гренланд и, всушност, целиот арктички регион“. Тој оцени дека решението, „доколку се реализира, ќе биде одлично за Соединетите Американски Држави и сите земји-членки на НАТО“.
Врз основа на постигнатото разбирање, Трамп потврди дека се откажува од воведувањето царини.
„Нема да воведувам царини што требаше да стапат на сила на 1 февруари“, се вели во соопштението.
Тој додаде дека „се водат дополнителни дискусии и во врска со „Златната купола“ во Гренланд“ и дека повеќе информации ќе бидат достапни како што напредуваат разговорите.
Како што изјави Трамп, потпретседателот Џ.Д. Венс, државниот секретар Марко Рубио и специјалниот пратеник Стив Виткоф ќе бидат задолжени за преговорите. Тој нагласи дека тие ќе „поднесуваат извештаи директно до него“.