Американскиот претседател Доналд Трамп изјави дека на Вашингтон не му е потребен договор со Иран за да добие збогатен ураниум од земјата.
– Можеме веднаш да го добиеме. Не мислам дека би можеле да нè спречат ако сакаме да го добиеме, но нема причина за тоа. Ураниумот е закопан, изјави тој пред новинарите во Овалната соба, објави Ројтерс.
Трамп, исто така, рече дека не сака да се сретне со иранскиот врховен лидер Моџтаба Хамнеи, но дека доколку Вашингтон и Техеран постигнат договор, можно е тој да се сретне со него.
„Ако тоа се случи, би покажал почит“, рече американскиот претседател.
Трамп претходно изјави дека САД на крајот ќе ги преземат залихите на високо збогатен ураниум на Иран, и покрај пораките од Техеран дека Иран нема да го предаде материјалот.