Американскиот претседател Доналд Трамп изјави дека верува оти рускиот претседател Владимир Путин ќе го слуша кога станува збор за запирање на нападот врз Украина.
На прашањето на новинарите дали мисли дека Путин ќе го послуша неговиот повик да ги запре нападите, Трамп накратко одговори „Да“, пренесува Ројтерс.
Оваа изјава доаѓа неколку часа откако Трамп испрати порака до Путин на платформата Truth Social: „Владимир, ПРЕСТАНЕТЕ! 5.000 војници умираат неделно. Ајде да го завршиме мировниот договор“.