Белата куќа размислува да го замени државниот секреатар Рекс Тилерсон и на неговот место да го постави шефот на ЦИА, Мајк Помпео, соопштија американските медиуми.
Медиумите пишуваат дека Тилерсон е во нарушени односи со претседателот Доналд Трамп поради несогласувања во надворешната политика на земјата и наводно Тилерсон рекол дека Трамп е „морон“.
Помеѓу останатото, тие двајца имаат различни пристапи и за решавање на проблемот со Северна Кореја и иранската нуклеарна програма.
Доналд Трамп во изјава за новинарите рече дека тој и Тилерсон имаат многу добар однос, одговарајќи на прашање дали се согласни во врска со Северна Кореја. Трамп рече дека има малку поинаков став за Северна Кореја од останатите.
Неименуван извор од Белата куќа за агенцијата АП изјавил дека во Белата куќа се води дискусија за промена на Тилерсон, а „Њујорк тајмс“ пишува дека Помпео ќе го замени на позицијата државен секретар.
Според медиуми до промената ќе дојде кон крајот на декември или почетокот на јануари.