Американскиот претседател Доналд Трамп изјави дека ги следел упатствата на американската тајна служба кога тајно го сменил авионот минатиот месец пред да полета од Турција, каде што присуствуваше на самит на НАТО.
„Тоа е до Тајната служба. Јас само правам што сакаат да правам и ги следам упатствата на Тајната служба и војската. Тие сакаа да летам со друг лет, со друг авион, кој обезбедува еднаква безбедност, но сакаа да го направам тоа, па го направив. Правам што велат“, изјави Трамп за медиумите.
Трамп беше тајно префрлен од претседателскиот авион во воен авион на пистата на аеродромот во Анкара на 8 јули, користејќи камион за кетеринг на аеродромот, според упатствата од американската разузнавачка служба, која дознала за заговор од страна на Иран и неговите посредници да испукаат ракета кон авионот со кој американскиот претседател полета од Турција.
Кога новинарите го прашаа за природата на заканата што го принуди да го смени авионот, Трамп одговори дека „не прашувал премногу за тоа“.
„Претпоставувам дека имаше закана. Всушност не прашував премногу за тоа. Добивам многу закани“, рече Трамп.
Како одговор на коментарите во медиумите во кои се прашуваше дали операцијата за промена на авионот ги довела во опасност помошниците и новинарите на Трамп кои патувале со него, останувајќи во авионот што требало да го носи претседателот, Трамп рече дека „мисли дека авионот со кој летал бил во поголем ризик“, објави Спутник.
Патувањето до самитот на НАТО во Турција беше првото меѓународно патување на Трамп со новиот претседателски авион, кој го доби како подарок од Катар и беше адаптиран на безбедносните потреби на американскиот претседател пред употреба.