Американскиот претседател Доналд Трамп штотуку се огласи на социјалната мрежа Truth и повторно му се закани на Иран.
„Запомнете, му дадов на Иран 10 дена да склучи договор или да го отвори Ормутскиот теснец. Времето истекува! Уште 48 часа пред да се распадне целиот пекол! Слава му на Бога!“, напиша американскиот претседател.
Трамп прво му даде на Иран 48 часа да го деблокира Ормутскиот теснец или во спротивно ќе ги уништи електраните и инфраструктурата.
Техеран одговори велејќи дека во тој случај ќе ги таргетира истите објекти и постројки за десалинизација во земјите од регионот.
Пред истиот рок, Трамп објави дека го продолжува рокот за 5 дена и ги суспендира нападите, најавувајќи дека преговара со Иран.
Потоа, на 27 март, го продолжи рокот на 10 дена.
„На барање на иранската влада, ве молам дозволете оваа изјава да послужи како сигнал дека го суспендирам периодот на уништување на електраните за 10 дена, почнувајќи од понеделник, 6 април 2026 година, во 20 часот по источно време“, рече шефот на Белата куќа, додавајќи дека „Разговорите се во тек и, и покрај дезинформациите од лажните медиуми и други, се одвиваат многу добро“.
Иран оттогаш постојано негира дека се водат разговори.
Портпаролот на Министерството за надворешни работи на Пакистан, исто така, се огласи денес, велејќи дека напорите на неговата влада да посредува во прекин на огнот се „на вистинскиот пат“.
Коментарите на Тахир Андраби дојдоа околу една недела откако Пакистан беше домаќин на високи дипломати од Турција, Египет и Саудиска Арабија и ја повтори својата подготвеност да посредува во разговорите меѓу Вашингтон и Техеран.