Претседателот на Соединетите Американски Држави, Доналд Трамп, сподели видео од неодамнешниот воздушен напад врз јеменските Хути и рече дека тие „никогаш повеќе нема да потонат американски бродови“.
„Овие Хути се собраа да добијат инструкции да нападнат. Упс, нема да има напад на Хутите! Тие никогаш повеќе нема да ги потонат нашите бродови“, напиша Трамп на својот профил на мрежата „Truth Social“.
Соединетите Американски Држави вршат секојдневни воздушни напади против Хутите поддржани од Иран веќе 20 дена, откако Хутите повторно им се заканија на израелските бродови минатиот месец, откако Ерусалим ја прекина хуманитарната помош за Појасот Газа.
Советникот за национална безбедност Мајк Волц кон крајот на минатиот месец изјави дека „овие момци се како Ал Каеда или ИСИС“, со напредни крстаречки ракети, балистички ракети и некои од најсофистицираните системи за воздушна одбрана.
Безбедносните експерти посочуваат дека нападите на Хутите не се случајни, бидејќи тие не се насочени кон кинески или саудиски бродови.
Трамп во понеделникот испрати и порака до Иран, предупредувајќи дека доколку нападите не престанат, Вашингтон ќе се сврти кон Техеран.