Иранските дипломати одговорија на новите провокации на американскиот претседател Доналд Трамп, поврзани со територијата на Ормутскиот Теснец.
Имено, Доналд Трамп на социјалните мрежи објави слика од мапа на која Ормутскиот Теснец е означен како нова американска територија.
Објавата на Трамп, која беше објавена без дополнителен коментар, следуваше откако минатата недела тој изјави дека наскоро ќе го прогласи Ормускиот Теснец за територија на Соединетите Американски Држави.
Иранците, сепак, не чекаа долго за да одговорат на провокацијата на Трамп.
Генералниот конзулат на Иран во Индија објави мапа на Соединетите Американски Држави, на која со друга боја е означена територијата на Калифорнија.
„Нова територија на Исламската Република Иран“, напишаа од официјалниот профил на конзулатот на социјалната мрежа X.