Доналд Трамп, најизвесниот кандидат на Републиканската партија за претседателските избори во САД, изјави дека веќе нема да издава акредитации за новинарите на весникот „Вашингтон пост“.
Трамп соопшти и дека на неговите предизборни митинзи нема да има место за новинарите на еден од реномираните и најтиражните весници во САД.
– Со оглед на исклучително погрешното известување за кампањата на Трамп, ги укинуваме новинарските акредитации за лажливиот и нечесен „Вашингтон пост“ – се вели во соопштение на официјалната фејсбук-страница на можниот иден претседател.
„Вашингтон пост“ ангажираше цел тим новинари да напишат книга за Трамп, која би требало да биде издадена до крајот на оваа година.